99.அம்மாவும் அப்பாவும் வெள்ளை

வருடம்	1974
பாடலாசிரியர்	கண்ணதாசன்
படம்	அன்பைத்தேடி
இசை	எம்.எஸ்.விஸ்வநாதன்
பாடியவர்	புஷ்பலதா

                        பாடல் வரிகள்

அம்மாவும் அப்பாவும் வெள்ளைப் பூனைகள்

அவர்களின் மகள் நான் சின்னப் பூனை

என்னதான் அவர்கள் சண்டைப் போடட்டும்

அது விரைவினில் சமரசம் ஆகிவிடும்  (அம்மாவும்)

தாயின் மனமோ ரோஜாப்பூ என்

தந்தை குணமோ பெரும் நெருப்பு

ரோஜாப்பூ நெருப்பினில் விழுந்ததில்லை அந்த

நெருப்பும் அதனை எரித்ததில்லை     (அம்மாவும்)

அரசனைக் கண்டால் ராஜாங்கம் ஒரு

ஆண்டியைக் கண்டால் சன்யாசம்

கதைகளைப் போலே மாறிடுவார் அவர்

கனவினில் தானே வாழுகின்றார்

மாமாவின் மனசு வெள்ளை மனசு

மறந்தும் அதிலே களங்கமில்லை (அம்மாவும்)

ஊருக்கு அவரோ கோமாளி இந்த

உறவுக்கு அவரோ ஏமாளி

நாளைக்கு அவர்தான் மேதாவி என்

நாக்கினில் சொல்பவள் ஸ்ரீதேவி

மாமாவின் மனசு வெள்ளை மனசு

மறந்தும் அதிலே களங்கமில்லை (அம்மாவும்)